Gernika erre zaneko

Enbeita, B.

 (Franko, Hitler, Mussolini)

 Hitler:

 Doixtarra naz jaiotzez,

 bizitzaz doixtarra;

 barruan beti daukat

 gudarako garra.

 Len galdu bagenduan

 amalauko gerra,

 gaur armaz ondo nago,

 au ez da guzurra:

 norbaitekin ba daukat

 probatu bearra.

 Franco:

 Ni naz gallegotxo

 baina española;

 ba dakizu Espainan

 gerran neguala,

 eta Euzkadi nire

 kontra jagi dala.

 Zure armak probatzeko

 gogua dozula,

 or daukazu Gernika;

 erre beriala.

 Agirre:

 Hitler etorri jakun

 Frankok agindurik,

 Euzkadi ilgo zala ustez

 Gernika errerik,

 baina Gernika or dau

 len baizen bizirik.

 Franko, Hitler, Mussolini

 lurrak iruntsirik...

 Bizi nai dauan erri bat

 ez dago ilterik.