|
Bizkaiko obispo jaunari
Enbeita, Balentin
Gure Gotzaiņa dogu
Kasimiro Jauna,
Bizkaiko artaldearen
Artzaiņik onena.
Jainkoak emon beio
Berari osasuna,
Bakezko bizitzeaz
Goiko zoriona:
Auxe da biotzetik
Opa deutsoguna.
Otso gaiztoak dabiz
Artegi egaletan,
Bitsa darioela
Euren agiņetan,
Sartu gura izanik
Ardi txaboletan.
Arrapau ez gaiezan
Erdi amesetan,
Adi egon gaitezan
Une guztietan.
Geure Gotzain maitea,
Entzun egiguzu:
Bizkaiko artaldea
Deadarrez daukozu.
Otsoak ez daiezan
Ardiak ondatu,
Arren! geure Artzaiņa,
Lagun egiguzu,
Zeruko zoriona
Ez dagigun galdu.
|
