Alperra ta zintzoa

Enbeita, Balentin

 Alperra beti atxaki billa,

 Lanai nundik iges eingo;

 Zintzoa, barriz, bizkor lanera

 Ogia irabazteko,

 janagaz baiño bere lanagaz

 Gogoratzen da geiago;

 Alperra, barriz, mairako gertu,

 Nok jaten emon balego.

 Era bitako izakerea

 Daukagu emen munduan,

 Bata zintzoa bestea alperra,

 Beti alkarraz autuan.

 Egi aundi au euki dagigun

 Aztu bagarik goguan:

 Alperra ez dala txarto biziko,

 Fiñak dabiltzan lekuan.