Xalbador laguna gogoratuz

Eizmendi Manterola, Iñaki (Basarri)

 1

 Bere omen egunez

 azkena etorri,

 on gertatu zaio

 lagun Xalbadorri;

 pozikan komeni ez

 biotz aundi ari,

 begiondoak malkoz,

 biotzak ler-zori,

 luto beltzez jantzi da

 gure Euskalerri.

 2

 Urepel'eko argi

 dizdiratzaflea,

 bertsolari-poeta

 bikain da trebea,

 sentipenak agertzen

 berdiñik gabea,

 gure euskera zarraren

 egizko abea,

 zeiñek bete bear du

 zure utsunea?

 3

 Euskal baratzak zuen

 lili indartsuena,

 kolpez igartu zaigu,

 au naigabe, pena!

 Baiña, Jauna, Zu zera

 jaunik altsuena,

 ba-dakit nik Xalbador

 maite zenduena,

 emaiozu betiko

 pake, atsedena.