Nere bordatxotik
Basarri
Negu itxurak udazkenetik
Urrilla'ri nago ni
zerbait kantatzeko,
Bidea ematen du
bera maitatzeko.
Aize goxo, epela,
danok gozatzeko,
Auek dira denborak
pikoak eltzeko.
Soroan pasatzen du
gaur askok eguna,
Andik datorrelako
jan bear deguna.
Biltzeko eukiarren
egokitasuna,
Babarrun gutxi dala
nago ni entzuna.
Iñoiz udazkenean
sartzen zaigu otza,
Ezta izaten gero
oso negu motza.
Danontzat mesede da
olakorik eza,
Gabonak alderarte
ontan jarrai beza.
***
102 urte!
Eun da bi urtek, pentsatu utsez,
ematen dute ikara,
Egun bitako etziñan nunbait
etorri lur onetara.
Eskerrak eman, O, Manuela,
eskerrak Zeruetara,
Oso bakanak irixten dira
zure mailla orretara.
***
"Errezill" bertsolaria
Egun urratzez, lengo zugaitza
mutu ikusten diat nik,
Etzeok lengo "txioka" otsik,
ez lengo alaitasunik,
Iñoiz aspertzen ez intzan txori
urretxindorra izanik,
Nork uste bear zian aiñ azkar
ezkutatuko intzanik?
Illun da trixte gelditu gaituk
ire lagun on giñanak,
Mutu ta bakar dagon zugaitzez
ainbat oroitzen geranak.
Bukatu dituk ire samiñak,
ire neke ta lan danak,
Kantatu dituk mundu onetan
kantatu bear ziranak.
Gure begiak ez ante berriz
lur gaiñ ontan ikusiko,
Lengo erara alkar tentatzeu
ez gaituk emen asiko.
Gure Jainkoak ez indukan i
bazter batera utziko,
Guretzat toki on bat gertu zak
biar ezpada etziko,
Gure artetik goruntz ba-ziak
amaikatxo otoitz ixill,
Gorputzez ezkutatuagatik
espirituz urre abili.
Beti gogoan izango augu;
i guretzako ez aiz ill,
Egun Aundia datorren arte
Agur, lagun zar "Errezill!!"
***
Joxe Mari Iriondoren itzaldi
Euskalerriko bertsolariak
Markiña'n besarkatuta,
Auxe pentsatzen egon nindukan
gabean etxeratuta.
Lenago ezer gutxi giñanak
orra guziz indartuta,
Urrutitxora joan gindezkela
guziok alkar artuta.
Kaja koxkor bat bear dugu
gure Alkartasunean,
Diruz betetzen ez dek gaiztoa
danok ondo gaudenean.
Sano gerala ibili beti
modurik jatorrenean,
Premiz danari lagundu gero
oker bat datorrenean.