¡Jesus!
Echegaray, Karmelo
Naigabe, samintasun,
Penaren mendean,
Biotz gaisoa miñez
Lertu bearrean,
Munduko inguruak
Denak illunpean,
¿Nola bizi niteke
Aiñ modu tristean?...
Au beiñ esaten nuen
Nere barrenean...
Baña biotza gora
Jaso nuenean,
Itzez ez, baña malkoz
¡Jesus! esatean,
Illuntasunak ziran
Argitu batean,
Penak gozatu, eta
Nere biotzean,
Zerbait zerukoia zan
Sartu ondorean...
.................
¡O Jesus, izen gozo
Maitasunezkoa!
Itzez eziñ det esan
¡O! norañokoa
Dan zure gozotasun
Neurrigabekoa!...
Isillik, malkoakin
Esatera noa.
|