Ama euskera! Biotz gureko!
Echegaray, Karmelo
¡Ama Euskera! ¡Biotz gureko
Ama Euskera maitea!
¿Zergatik zaude, penak azturik,
Gozotasunez betea?
¿Zergatik degu Urniyetan gaur
Pozez ikusten jendea?
¡Zergatik dago Euskal-lurrean
Alai len zana tristea?
¿Nondikan datoz emen entzuten
Diraden soñu anzuak,
Diruditenak zorionaren
Berriekarle poztuak?
¿Zer gertatzen da ikusitzeko
Emen berriro piztuak,
Euskaldun zarren izkuntza eta
Oitura bedeinkatuak?
Euskaldun aundi bati zor zaizka
Mirari oek guztiyak:
Abbadie jaunak dauzka pozturik
Gure zelai ta mendiyak:
Orregatikan bere izena,
Jakintasun ta doaiyak,
Oraiñ ta beti goituko ditu
Kantuz Euskaldun-erriyak.