Aita Santu Leon XIII-garrenari
Echegaray, Karmelo
Biotzak zerbait esan nai, baña
Mingañak eziñ dit esan:
¡Gure Aitari begiratzeak
Ala nauka zurturikan!
¿Eta nola ez, baldin badago
Argiz inguraturikan,
Jaunaren itza lagun duela
Etsaiak mendeturikan?
Naiz eta jaiki beraren kontra
Luzbelen indar guztia,
Zabaldurikan turmoi-chimistaz
Ekaitz ikaragarria,
Zuzen joango da bere portura,
Zuzen Pedroren ontzia,
Lemari dala Gure Aita Leon
Maite ta maitagarria.