Itxaro Borda

 frustrazioaren eta kulpabilitatearen alabak gara

 udazken lehorretako lehen lanbroak

 ez dizkigu

 maitasun beharraren urrats astunak

 laztanduko.

 ez ditugu nehoiz

 bihotz kraskatuetako haragi puska hormatuak

 ezaren geltoki desolatuetan

 beso artean

 tinkatuko...

 hor dago muga:

 nola joan urrunago?

 azken jujamenduaren orduan

 zor guztiak ordainduko ditugu

 larru sukratuak espainez milikatu nahiak

 eta

 sufrantzaren ate ilunak bortxatzeko gutiziak

 zor guztiak ordainduko ditugu

 frustrazioaren eta kulpabilitatearen alabak garenok!