Belen'en
Jautarkol
Ama Birgiņa Jesus Aurtxoa
dula belaunetan,
estalpearen aurrean dago
Aurrari festetan.
Belaun-gaņean zutik jartzen du
exeita aldietan,
musuka, berriz, jango duela
dirudi bestetan.
Aingerutxoak aiei begira
kantari inguruan,
ta Aita Jainkoa guzia ikusten
poz-pozez Zeruan.
Mendi-alderontz aien aurretik
artzaiak dijoaz,
ta igarotzean, agur!, diote,
makillak jasoaz.
Belen'go umeak estalpetxora
nai etorri....
Etxe prankotan jarri dituzte
naiko ixtillu gorri.
Amonatxoak eguzkia artzen
etxe-atarian
beste konturik ez darabilte
oraingo aldian.
ĢIkusi al-den goi-estalpeko
Aur jaio berria?
Euzkia baņo argigoa den
aren arpegia.
Ez diņat uste pobre batzuen
semetxoa danik:
erregezkoen aurra denala
egingo niken nikģ.
ĢErregiņaren arpegia din,
Andre Mari'k ere....
Nola utzi ote genizkiņan
guk ostaturik gabe?
Orain guziok nai dizkiņagu
artu gure etxean:
alkate jaunak ere artuko
lizkiken bereanģ.
Jesus Aurtxoa loak artu du
Amaren besotan....
Aingerutxoak ixildu dira
jarrai dezan lotan.
Zeru-iriparra erdi-lertuan
dauka ezpaņetan....
Oi, amets-dagi.... Norekin ote
dago ametsetan?
Gurutze-antzo zabaldu ditu
orain besotxoak....
Gurutzeakin amets al dagi
Jesus'en gogoak?
Kalbario'ko ametsa, noski,
gogoan Aurtxoak.