Etxenko alorrak
Itxaro Borda
Bide kürütxeak güntüan bilatzen,
Lürpetik argilat xenderak zilatzen;
Zazpi odol ttaka, hasperenik gabe,
Hitzaren arana ahoan hila zen
Mütü ere ginen mündüaren jabe!
LÜHERTZAK EKITAN AMODIOZ HANTZEN,
BIHOTZAK EZ DIRA GAÜ-MINEZ ÜLÜNTZEN
ETXENKO ALORRAK DÜTÜGULA LANTZEN
ILDOAK EZ GÜTÜ MÜNDÜTIK ÜRRÜNTZEN!
Bide-ertzak sasi, zübüak balantzan,
Ametsen aroan sartü ginen dantzan;
Bihotzen zokoan bildürik gar hotzak
Ez günüan sinesten gure akabantzan
Betikoak ginen izanik arrotzak!
Mündüko bidetan hanitx gü bezala,
Hautse nahiz dabiltz negüko gesala;
Hitzaren auhena gogoetan lagün
Eraiki etxeak, hatsa har dezala,
Menteren mentetan ihardok dezagün!