Gauaren irazkitik
Miquel Marti i Pol
Ez da beti hainbat segur
itsasoaren mugetan
hedatzen dela haizea,
haizearen etenduran
hedatzen dela oihana,
oihartzen ez duen botzik
gabeko putzu bat dela
itsasoaren mugetan.
Airea hautsiz iñondik
etorri hitzak badira
ihardokitzea lortuz
euriak urtzen ez dituen
zenbaki eta enigmak,
eta egun higatuen
suzko ezpata-girgila,
antsia eta samurra,
antsia eta samurra.
Une xoileko zarata,
aratsaldean galgarri,
nahasi eta aiherkoi,
bizitza burrunba bat da;
ibaia ez da halako,
handia eta lasia,
urak, iraunaraziko
dizkion itsasoari
eskaintzen dizkiolako.
|