Ilargi beteko gauetan, westernetako antiheroe...

Itxaro Borda

 ilargi beteko gauetan, westernetako antiheroe hor-

 dien colt herdoildua eskuan datxikat, dalda-

 rez, mendekatuko naiz, burdinezko kutxa

 herabeetan dauden arrosak lapurtzeko, ban-

 koetako bitrina espantorosak hautsiko ditut,

 formarik gabeko aditza naizela dirudit, mai-

 te zaitut, eta, finitzeko bala bat tiratzen naiz

 bi begien erdian.

 ilargi beteko gauetan, mila aldiz egiten dut mundu-

 aren itzulia, bake pixkat aurkitzearren, edo

 hamabost bizitza desberdinetaz janzten naiz:

 behin, diamante trafikante nabil Botswanan;

 gero, kataklismoak erre lurretan mad max

 delakoaren sekretario pertsonala naiteke;

 eta azkenik, puta merke naiz, Paramariboko

 Jimmyren taberna lizunean.

 ilargi beteko gauetan, "ni" debekatuz hantu hiz-

 kuntza metalikoen sistemak eraikitzen di-

 tut, nortasun galgarrien sintaxiak, destroy

 filosofiaren gramatika krudelak, ezaren nor-

 nori-nork minberak, bizi naizela amesten

 dut, amets bezala diraut.

 ilargi beteko gauetan, urruneko mendi urdinak su-

 tan dakuskit, gelako leiho irekitik, love new

 look, nola jakin zer ordu den, denboraren

 oinarrizko ezaugarriak errautsetan airatzen

 zaizkit, zigarreta pizten dut, eta hauxe kli-

 txea, kearekin zure irriak, zure ezpainak,

 zure bularrak marrazkitzen ditut.

 ilargi beteko gauetan, bai ala ez, ez dakit ordea, za-

 lantzan nago, dudatzen dut, bosgarren estai-

 atik salto eta kitto!, maitea nekatua naiz:

 ez ditut itsasoaren garrasiak aditzen hemen-

 dik.

 ilargi beteko gauetan, heriotz gutizia dut...