Zati poetikoak
Jabra Ibrahim Jabra
I
Mahasti artean, arpegia tragedia bezain zuri
Fantomea ilargipean lerratu da.
Abar hostodun, bere eskuek hormak igotzen dituzte,
Bideruntz dabiltza, huts beltzak ixiltasun dagien
Etxeraino handitzen dira.
Argizeituan saiatzen denaren amodiotik
Deusik ez du begiratzen, ez denborak; ez heriotzak.
Haizearen eta malkoen kantua
Abesten duenaren ahotik.
E naiz ni negarrez; Lurra da.
IV
Nola haizea bere indarrean, hala
Ondarkinetan xixtuka nabil,
Arboletan, harrietan,
Basamortutu karrikak zeharkatzen ditut,
Begi ainitzak diren leihoak dituzten etxeen ondotik.
Nola haizeak, eurigauean, lur erreetarik eta arrats
Agorretarik landa, hala nere amodioaren borroka
Osoaz oihu degit.
Lantzurda makilekin
Arbolak, ondarkinak, karrikak
Tolestatzen ditut.
Hemen nago heriotz, hemen nago.
Har ezazu begitartean ematen dudan kolpe hau.
Nik, soldado langileenetan langileenak!
Nere oinetan, zure gizonak xinaurri dira.
Eztarriko suaz haurrak beldurtzen dituzu,
Birjinen zain dauden zure haginez
Hiri honen piztia zara.
Baina ni,
Ni haizeak nakarrena,
Zure hezur lehorren aurka
Etorri naiz, ehun ezpata baturen gisara,
Eguzki aldera deiadarka,
Nere papoan mila maitasunen
Mila irriren ekarle.