Manthie

Amadou Lamine Sall

 Manthie gezurra erran nahiko nizuke.

 Erran munduan zehar ez dela mutiko ttikirik

 gosea pasatzen ez duenik,

 ama bakar batek ez duela, airepiloto lasai baten

 bonbek zitzifrikatu semea negartzen

 eskale bakar bat ez dagoela betiko kale ezkinean

 bere jantzi zaharretan traukatuz amoinaren zain,

 gezurra erran, gezurra

 gizaki bakar batek ez dakarrela bere baitan exilio-

 aren emozione terriblea.

 Gezur erran, gezur erran Manthe, gezur erran,

 ez apartheidik

 ez sowetorik

 ez jones-townik

 ez brigada gorritan banatu armadarik

 ez irail beltzik

 ez libanoa bezalako pastel odoleztatu erraldoirik

 ez lurrik gabeko palestinako populu ibiltaririk

 ez historiako israel persegitu eta persegitzalerik,

 gezur erran,

 sekulan ez dezazun gorrotoa jasta

 nehoiz ez ditzazun haien esku hiltzale ezagut

 piztien delirioa antzeman ez dezazun sekulan

 beren harpe hormatuen atarrian zorakeria eta

 urgulua

 ez ditzazun nehoiz bazterka,

 gezur erran Manthie

 maita zaitzadan inozenteki.