Españolak eta moruak
Otaño, P.M.
1
Erdi lotan bezela
joan dan aspaldiyan,
iñoren parragarri
geunden Españiyan,
argatikan moruak
ausardi aundiyan,
artu nai zuten legoi
zarrak oñ azpiyan
ta gaztiak azaldu
zaizkate kabiyan.
2
Zar itxuran daguen
legoya tximutzat,
artuko zuten bada?
¡oyek astaputzak!
Berak nola diraden
animali utsak,
izan arren Koran ta
Maoma laguntzat,
astinduko dizkate
txilabako autsak.
3
Españiyan biyotzak
dauden txit jasuak,
legoya esnatu du
tximu erasuak,
baleudezke seguru
joan diran gaxuak,
ayentzako dauzkala
beren gurasuak:
malko bat illentzako
bizintzai besuak.
|