Oroipena
Jauregi, Koldobika
Ama maite bat ikusi nuan lengoan
samur laztantzen bere semetxo kutuna.
Ama, zarra zan bañan arpegi gozoan
igartzen ziran lengo indar-edertasuna.
Negarrez zegon eskatzen bere altzoan
zeukan semeai laguntza ta maitasuna.
Ama gaxoa! Egaka bere alboan
an-or zebillen pozez eriotz ituna.
Ta bat-batean seme txarraren eskuan
aizto zuria dirdizka ai! ekusi nuan,
eta ama zarra azken-asnasetan lurrean.
Miñaren miñaz mindu zan nire gogoa:
ta ura ikusirik esan nun nire artean:
«Ola nire Amai sartu zioten aiztoa.»