Maitasun-indarra
Jautarkol
Nere amatxo laztanari
Bart arratzean izarretara
ama, begira nengoan
ta izar bat atzo bestetan baņo
argitsuago zegoan.
Aren argi txit zoragarria!
Aren dirdits maitekorrak!
Urruti dagon semearentzat
bai-dirdits osasunkorrak!!
Zergatik atzo ote-zegon, ba,
argitsuago izartxoa?
Zergatik aruntz begiratuta
pozten zan nere gogoa?
Nolaz barruan nabaitzen nuan
atsegiņaren eztia?
Maitasunaren indar goitarra,
biotz aulen sendakia!!!
Orain jakin det, izarrai beira
bart ni nengoan bezela,
nitzaz oroitzen, izar berari,
ama, begira zeundela...
***
Ama, begira, begira berriz
izar berari askotan:
bera izango da poz-atsegiņa
gure naigabe-neketan.