Lourdes'ko uso zerutarrari
Jauregi, Koldobika
Arkaitz zalea zera
ziņez, Usotxo ori
arkaitz ortan kabia
dezunean jarri.
Arkaitz-zale ba-zera
entzun, ba, gaxo oni
arkaitz bat nai dizu-ta
Uso, erakutsi.
Antxe bai-giņakela,
gu biok zorion!
Entzun, arkaitz ori, ba,
Usotxo nun dagon.
Mendi-mendian dago
baso-illun zokoan
eguzkiak gutxitan
jo oi-duan zuloan.
Pizti zakar batzuek
bakarrik mendira
noizean-bein orroika
etorri oi-dira.
Udan eguzki gutxi,
neguan elurra,
ta uda-negu otz, bertan
izanik egurra.
Ta alare belar txarrez
dago oso josia.
Au arkaitza Zuk bertan
jartzeko kabia!
Atoz mendi-mendiko
arkaitz illunera,
Zure-begien argiz
berau argitzera.
Uda-negu otz-dagin
aitzera atoz, Uso.
Zukin elurretan be
izango da bero.
Ta jarri bertan ere
iturri bizia
ito dezantzan nire
biotz-egarria.
Atoz, atoz, lenbaitlen,
zulo otz onetara:
atozkit, Uso, nire
biotz arkaitzera.
|