Legortea
Jauregi, Koldobika
Ba-datoz baserritarrak
gizon sendo ta andre zarrak
goiz goizean elizara.
Bete da eliz txikia.
Ezkilaren ots bizta
zabaldu da emen ta ara.
Aldare nausi-aurrean
asi da otoitz luzean
apaiz jauna belauniko.
Erria otoizka dago:
"Ez gera, jauna, geiago
Zure kaltez ibiliko".
Asi da prozezioa...
Gurutzea aurretik doa
ta San Ixidro ondoretik:
banaka mutil ta aitonak,
erdian eleiz gizonak,
andre ta neskak atzetik.
Buruak makur gizonak,
erdi negarrez amonak,
otoizka apatza kantari:
"Entzun gaur gure eskaria...
Arren, bear dun euria
bidali Zure erriari..."
Ba-doaz bide zarrean...
Sartu ziran-ermitean
eta ixilik Meza asi zan...
Berriz, eskari beroaz
bide zarretik ba-doaz
ta sartu dira eleizan.
Ba-doaz baserritarrak
gizon sendo ta andre zarrak
elizatik baserrira:
ilun eta alai dijuaz
itxaropenaren suaz
lur legorrari begira.
Ta utstk ta ixilik eleiza
geldi zanean, apeiza
aldare nausi-arrean.
auzpez luzean jarriaz,
maitetasun gar biziaz
gelditu zan otoitzean:
"Jauna, urrutitik etorri dira
batean otoik-etxera,
ta aten otoitza entzute-arren
erdian Zu egon zera.
Ikusi zaitut emen gurekin
Artzai onaren antzera.
Itxaropena Zugan jarririk
itzuli dira etxera.
Aldendu, bada, Zure zigorra,
txikien Jaun biozbera,
ta atoz lenbailen gure soroen
egarri au asetzera".
|