Jesus'en biotzari
Jauregi, Luis
Egan dijoaz usotegira
egan dijoaz usoak:
ta Zure Biotz-barrua doaz
maite zaituzten gogoak.
Beti irrikita zabal-zabalik
usotegiko leioak...
ta Zure usotxo ega motz onek
ezin aruntz jo gaxoak...
Ai! Onek ere, Jauna, ba litu
aiek dituzten egoak...!
Orduan, ziņez, lagako luke
errekaldeko zelaia,
ta aztu ere bai, ain maite duan
bere usotegi alaia.
Utziko luke, ziņez, alako
mirua dagon basoa,
ta pagausoak bildu oi-diran
mendibeko iturritxoa.
Amaika bider Zure usoekin
abiatu da Zugana:
ai! ler-eginda bidean bela
gelditu bear, au lana!
Egan dijoaz usotegirontz
egan dijoaz usoak...
Ai! Onek ere, Jauna, ba'litu
aiek dituzten egoak...
