|
Itsas ertzean
Jautarkol
Illunabarra...
Eguzkia iya illean
itsasoai musuka...
Aitzak itsas-ertzean
aztindutzen orruka
itsas zakarra...
Txistuka eldu dira
arrai biziz beteta
itsas-ontziak...
Ori poza! Begira
kayan dantzan ume ta
gazte guziak.
Kai bertatik orduan
lurrin-ontzi arroa
ostez beteta
txistuka, ilun zijuan,
amets beltz bat lakoa,
Ameriketa.
Negarrez kai-aldera
zuzendurik begiak
ontzi-gaņean...
Baņa, ontzia aurrera
...Deadarka guziak
itsas-ertzean.
Ara, ontzi arroa
sartu da su ta garrez
itxas nasian...
...Etxera andre gaxoa
kai-aldetik, negarrez
bide guzian.
Bestezuk bitartean
kayan ta ontzian
dantzan t'ojuka...
...Eguzkia iya illean
gorri-gorri itsasoai
azken-musuka...
Ori bai bizitzaren
antza samiņa...!
Bizitzari musuka
eriotz miņa...
Biotzaren kayean
atsegin ontzitxoa
sartzen danean,
itxaropen arroa
kayatik arratsean
igesi doa...
Zalekeri ta ametsez
beterik doa,
urrutira ta gabez...
Ontzi gaxoa...!!!
Biotzaren kayean
gero ixkanbila
gogoa irten danean
atsegin billa....
Ta bitartean berriz,
egi zorrotza!
bizitzari musuka
ai! eriotza...
|
