Illobi elurtsuak!
Jauregi, Koldobika
I
Ildegi-aurretik
igaro nintzan
egun elurtsu-illun
baten, Ilbeltzan.
Txistuka sorbaldan
zuela atxurra
orduantxe eldu zan
ortzalle zarra.
Biok sartu giņan
izketan barrura:
oldoztun ta itun ni
ta parrez ura.
Zuri-zuri zeuden
ardi-illea lez
illobi guziak
izotz elurrez.
Eta esan nuan
nire artean:
ibai zuri ta garbi
ziņez gaņean!.
Ortzaleangana
urbildu nintzan:
illobi-arri bat
kentzen ari zan.
Eta esan zidan
kendu-ostean:
Bai ustel ta zikin
ziņez barruan!.
II
Iltegitik-berontz,
etxerakoan
ardotegi baten
ate ondoan.
Agure ille zuri
erdi mozkor bat
birauka ikusirik;
iltegiarat.
Nire irudimena
egaka jun zan,
ta illobi-elurraz
oroitu nintzan.
Ta esan ere bai
nire artean:
Bai zuri ta garbi
buru-gaņean!
Bai ustel ta zikin
biotz-barnean!
|