Illeta-eresia
Jauregi, Luis
Ia negarrez igotzen nintzan
kanposantura lenago:
orain, billera txoroak baņo,
kanposantua naiago!.
Bakardadea orain naiago
dantza ta izkanbilla baņo:
argatik pozez aratsaldero
noa kanposanturaņo.
Ba-dakit orain nola ari illekin
ixil-ixilik izketan:
ora zergatik gizonagoa
len baņo naizen denetan.
Adiskideak...! Ez egin negar
iltzen naizen egunean:
¨zergatik negar, gau gaitza jun-da
euzkia piztu denean?
Biotzez ta aoz otoitz beroak
egan bidali Zerura...
T'esan: Gaur il da Euskal-Erriko
olerkari gaxo ura.
Adiskideak...! Ez egin negar
nere illobi bazterrean:
exeri t'egon ixil-ixilik
nekin izketa luzean.
Arrizko gurutz aundi bat baizik
ez nere gaņean jarri;
eta lorerik zeren eskutan
aruntz netzat ez ekarri.
Baņan, ez kendu gurutz-alboan
jaioko dan untzorria,
ta ez uxatu gurutz-gaņean
kantari dagon txoria...
Nere illobiko gurutz
arrizkoa,
esnatu-arte zaindu
nere loa.