Biozkadak
Jauregi, Koldobika
Loretegian sartu nintzan beiņ
udaberri goiz batean,
ta arrosa gorri mardul-mardul bat
zegoan lore-tartean...
Intza-tantozko koroi ederra
dirdizka buru-gaņean...
Arro ta tente, zoragarria
erregin baten antzean.
Erregin baten antzean zegon
arrosa mardul arroa
nere beatzez ebaki nuan
ta il zan negarrez gaxoa.
Usaitu nuan asetu-arte
bere usaiaren gozoa,
ta zubi-goitik ibai-gaņera
bota nuan loretxoa.
Etxe-aldera pozez nijoan
bitartean
odol-iturri bero bat neukan
biotzean...
Orra, or bizitz-lorategiko
baratzean
gerta-oi-dana, poz-atsegiņen
ondorean:
Oņaze-iturri ta arantz zorrotzak
biotzean...
