Bi umetxo

Jauregi, Luis

 Ume batek:

 Jantzi zuri-urdiñez,

 Erregiñ antzera,

 orra or gure Ama,

 Ama biozbera.

 Besteak:

 Eskuak tolestuta

 biotzan gañean,

 Zerurontz beira dago,

 otoitz luzean.

 Lenengoak:

 Euzkia bera baño,

 eder ta argiagoa,

 ederra bezin ona,

 gure Amatxoa...!

 Bigarrenak:

 Pekatarien Ama,

 Zeruko atea,

 gure biotzen poza.

 ta atsegiñ betea.

 Lenengoak:

 Gaixoentzat Bera da

 osasun alaia,

 biotz naigabetuen

 babesa ta kaia.

 Bigarrenak:

 Goitik begi errukiz

 daukagu begira,

 danoi deitzen maiteki

 Zeruko Glorira.

 Biak batean:

 Luzatu zure eskua,

 luzatu gugana,

 Zeruratu gaitzazu,

 Amatxo laztana...!