Aurtxo batek Maria'ri

Jauregi, Luis

 ¨Lorezalea zera,

 ene Amatxo...

 Orra, bada, zuretzat

 iru sortatxo.

 iru sortatxo, txuri,

 gorri ta ori...

 Zuretzat bildu ditut...

 Amatxo, tori.

 Zuretzat oiek biltzen

 zelaitik-zelai

 ibilli naiz gaur, Ama,

 pozez eta alai;

 t'ederrenak artuta

 nator Zugana...

 Beroikin artu nere

 muiñ ta laztana.

 Loretxu oiek ortxen

 zuri begira

 beti egon, ta pozez

 ortxe ilko dira...

 Loretxo bat nai nuke

 izan nik ere,

 ez eiteko Zugandik

 alde beñere.

 Gaizto asko omen dira

 bazter oietan...

 Beti maiteko zaitut

 nik, bai, benetan;

 Zurekin bizi beti,

 beti Zu maite...

 Nere Ama kutuna

 beti izan zaite.

 Artu, ba, Zutzat gaurtik

 nere biotza,

 Zutzat nere bizitza

 et'eriotza