Aingerutxoak

Jauregi, Luis

 -Esan, amatxo: ¨zer da aingerua?

 ¨Nun daude aingerutxoak?

 galdatzen dio alargunari

 besotan daukan aurtxoak.

 Malko gozoaz estali dira

 amaren begi urdiñak,

 bere biotzan esnatu dira

 oroipen maite-samiñak.

 Besarkatzen du bere aurtxoa

 estu-estu biotzean,

 t'erantzun dio musu bero bat

 luzaro eman-ostean:

 -¨Aingerutxoa zer dan, diozu...?

 enetxo, ori galdera...!

 Aingerutxoa, ene kutuna,

 aingerutxoa... zu zera.