Zelai urdiña

Samaiko-Zulo (Lizardi)

 Mendi-goitxu batian,

 izerdiz, itzalpe-billaka ibillita gero,

 aize otzantzaren musu osasungarriya arpegiyan,

 exerita nago.

 ¡Nere begi-aurrian

 dagerren edertasuna! Jainkoa'ren almena!...

 ¡Mugageko zelai bare gelgarri urdin berdiña!

 ¡Itxaso zabala!...

 Emendik ikusita

 legorra bezin gelditun ta egokor dirudizu:

 ta, margo argitsuagaz, legorreko ibayai be

 antz-emateyezu.

 Zelai amaige urdiñx

 ¿zeuk ere bai ete-dituzu nekazariyak?...

 Bai-dakust zure gain laua ixontzitxuz beteta..

 ¡Berok bai txitxarrak!

 ¡Jostallu irrigarriyak,

 itxas amaigabian iltzez josita letxe!...

 Goiaz alkar jotzen dun ibar ameskarriyan,

 ¿Zerbait ba-al zarete?

 «¡Gure txikitasuna!...»

 ikuskizun ori dala-ta oldoztillun diyot...

 Ta nik, neure buruba goitxu ontan dakustelako.

 Ala ba-deritxot,

 Goi-goikoaren aurrian

 gizonak, naiz goyenak be, ¿zertzuk ete gera?...

 ***

 Argiya, iltzen, urre-il-janzkiz, sarkalderantz bai-dua...

 Berako garaiya

 ***

 Kai-ondotik nuala,

 bateltxo bat dator zapiya zabal-zabalik...

 Berton datorren itxastar bizkar-sendo bakarrak

 au diyo abesturik,

 «Ni naiz, ni naiz

 Zelai urdin, zure nekazaria!...

 Ni naiz, ni naiz

 Jaun-Goikoa'ri eskerrik dagiyotena;

 Zelai urdiñaren emaitz ugariyak

 Maiteki eskuratu dizkitenari...

 Ni naiz, ni naiz

 Zabal urdin auetan nekazari...

 Amaika nekien saritzat, nere

 emazte ta seme-alabatxok eztira

 izango gose...

 ***

 Ni naiz, ni naiz

 Zelai urdiñeko nekazariya!

 Goiko Jaun onari esker eta aintza!»

 ***

 Oi, ni naizen zorua!

 zure kaltez oldozka goiko abaro atsegiñan

 nengoenaren aldian, neke zenbi zenbiltzanoi

 Aundiyagoa ziñan!

 Aundiyagoa bai, ziñez,

 Jaun-Goikoa'ren begiyetan, neu geroago egonik,

 itxas-zelai urdiñeko nekazari kementsu

 bildur-gabeko ori...