Donostiyan irugarren arzaigokia, 1828-garrenerako igande iñauteri goizean

Echegaray, Jose Vicente de

 Marcha.

 Atozte arzayak; ariñ atozte

 Guazen guztiyok festara,

 Aita Josepe buru degula

 Donostiako plazara:

 Kaletarrai eskaintzen gatoz

 Amoriyozko doaya,

 Soñu ederrak, danza politak

 Kanta euskerazko eztiya.

 Greziyatikan etorri eta

 Amaikagarren urtean,

 Irugarrena degu arzayak

 Donostiyako kalean:

 Iñauteriyan soñubarekin

 Isildu gabe kantatzen,

 Gabaz ta egunaz beti dantzan ta

 Beñere ez gera nekatzen.

 Arzai kanta.

 Eman genuben itz.

 Lenago bi aldiz,

 Etorriko giñala

 Iñoiz edo berriz:

 Irugarren aldiyan

 Aurten emen gera,

 Donostiar maiteak

 Zubek ikustera.

 Oraiñ amaika urte

 Eta oraiñ zorzi,

 Donostiya genduben

 Lenago ikusi:

 Ordutik oneraño

 Ez genduben uste

 Aurreratu zirala

 Lanak onenbeste.

 Etorri geranian

 Plaza kantoyera,

 Dira pozez malkoak

 Agertu begira:

 Esan nayagatikan,

 Da esan eziña

 Gure biyotzak artu

 Duten atsegiña.

 Berrirotik egiten

 Zauden Donostiya,

 Ederra bezelase

 Zerade alaya:

 Guztiz maitagarriya

 Zedorren jendea,

 Eziñ izan diteke

 Dan baño obea.

 Euskarichoa.

 Arzayak oroipena

 Iñauteriyari,

 Goizetik arratsera

 Danzan ta kantari:

 Beti umore ona

 Gure soñubakin,

 Adiskide ta maite

 Donostiarrakin.

 Zorzikoa.

 Zorzikoak kantari

 Menditik kalera,

 Donostiyara pozez

 Gaur etorri gera:

 Ariñ makil saltoan

 Aldapetan bera,

 Iñauteriyetako

 Festak ikustera.

 Arzayak izan arren

 Gure dantzariyak,

 Dira guztiz lirañak,

 Datoz chit galayak:

 Kolore ederrezko

 Berdiñak jantziyak,

 Eskubetan politak

 Makil ta uztayak.

 Dantza leku ederra

 Olezko biguña,

 Plazan dago berriro

 Gaur bertan egiña:

 Ikusteko nork duben

 Zankoa ariña,

 Eta zeñek obeto

 Darabillen oña.

 Zer ikusi geiago

 Izan dezan festak,

 Eta luzeagoa

 Iraupena goizak:

 Arzayakin batean

 Datoz gaur modistak,

 Josten eta bordatzen

 Langille politak.

 Guztiz ondo dakite

 Egiten kofiyak,

 Kolorezko zintakin

 Modara jarriyak:

 Oi ez bezelakoak,

 Dira neurri-gayak,

 Buru kolokak eta

 Illez estaliyak.

 Len, oraiñ, eta beti

 Kaletar maiteak

 Zubentzat esker onez

 Biyotzak beteak:

 Oroituko gerade

 Juan arren urteak,

 Gure denboran, eta

 Ondoren semeak.