Piarres Bidegaray, zuri
Borda, Itxaro
1
Ezarri nahi diot saldari nik gatza;
EGIA adineko gizonetan datza:
Hori eskribatzeko hartzen dut arkatza
Bai eta argitzeko eztabada latza...
2
Bertsoetaz jendeak guti du axola,
Nik irakurtzen ditut, zaitela kontsola...
Ederra zen funtsean zure parabola
Damu dut gaizo Pierres kexaturik hola...
3
Odola euskalduna dotale senditzen
Diozu adiskide, zaitut konprenitzen;
Euskalduna ala ez zainetan ibiltzen
Harek laguntzen nerau bizirik segitzen...
4
Munduaren morala doala behera,
Zaharrak otoitzean zoin gauza ederra!
Orain bihurtu eta Jaunaren xedera
Beldurtu ote zira ifernura lerra?
5
Jesus Jauna Zeruan juje handi dago
Askok ikusi dute hala lehenago...
Leizetan balitake giza-seme frango
Pietate apurrik nehon ez balago!
6
Barkamendua diot galdatu Jesusi;
Neri gaztetasuna etzerait itsusi
Zuk zure begiekin dukezu ikusi;
Nahiago dut izen Ğmamuğ haien kusi...
7
Nik ukaiten banu pizteko ahala,
Bizia has nezake gogotik berhala,
Ederra zait mundua, mamia, azala,
Erradazu segidan: ĞEz de beti hala!ğ
8
Ez dut zaharren kontra lerrorik eginen
Ez eta zerueri deusik galdeginen...
Arrazoin handia zait egun aldeginen
Egiaz hoberena izatu baitzinen...
9
Azken bertsoa zuri Pierres Bidegarai
Donoztirin zaudela, azkarrean Jasai;
Ar zaite otoitzean kartsu eta nasai
Nik segituko duket leize beltzaren zai!
10
Ai zu Euskal herria, ez duzu bihotzik
Ohiduren uztaiak zaduzka zu hotzik:
Prediku egiteko badu aski botzik
Sendimenduendako ez dauka abotsik...