Munduaren jabeari...

Borda, Itxaro

 1

 Ditugun lotsen aintzinean ez

 baitu altxatzen ezkerrik

 Zeruko Jaunak ez du merezi

 gure partetik eskerrik.

 2

 Izakietan mexprexu karga

 nahi baitzuen ixuri

 Jainko Handiak formatu zuen

 gizona bere iduri...

 3

 Nere maiteak utzi nau eta

 gauetan nago negarrez

 malkoen bidez basamortua

 hiraz suntsitu beharrez!

 4

 Leize beltzetan banabilala

 ez dut ikusten gerorik

 zein gizonetan aurkituko dut

 maitea bezain berorik?

 5

 Batzuendako zorion puskak

 eta bestendako minak

 horrela doaz ilun latzetan

 biziko urrats saminak...

 6

 Zeruko Jauna mundu honetan

 gauz gutiago eginez

 gizonen bihotz hautsia bete

 zinezaken atseginez...

 7

 Jende bekaitzen lerroetan ez

 badu nahi gero sartu

 bertsulariak jakin behar du

 Jaunari nola oldartu!