Itxaro Borda-k Jean Arrossagarai-ri
Borda, Itxaro
1
Aintzine hortan Xalbador eta Mattin ez zauden ez lasai
Beldur baitziren bertsozaleen arraza hilen zela bai
Baina gaur egun Euskal-herriko zerupeak dira alai
Ari baitzare bertso moldatzen Garazin Arrosagarai.
2
Arrosagarai, zure bertsoek egin didate atsegin
Baina zergatik merezi tuztan nahi nizuke galdegin
Egia da bai gure artean Euskara dela erregin
Bertsoez beraz, Oraarrak du Aintzindari agur egin...
3
Lehen aldikotz bertsolariak ikusi zaituztet kantan
Urepeleko Xalbador haren omenaldi egun hartan...
Bertsolaririk ikusi gabe ari nintzan debaldetan
Hitz lerrokatzen, baina bihotza maitasunaez sutan.
4
Munduan ez dut ezer ulertzen, ni naiz jostari tristea
Baker bakarrik'ta aspertua, Hitza da nere maitea...
Ez da errexa ikastetxean euskalduna izaitea
Baina-halere zor diot noizbait bertso idazten-hastea...
5
Musde telebist ez da errege izan gure sukaldean
Berdin Euskara kasik ahentzi dut eskolako bidean.
Lore izenak maitasun hitzak denak mespretxu barnean
Ahalgegarri agertu nintzan herriaren aintzinean.
6
Orain Euskara erabiltzen dut baina hinki hanka noa
Kristau berria iduri eta barnez kartsu paganoa.
Jaz Eguberriz eskutan hartu dut zoriona zintzoa
Xalbador zenak in liburua, bai, «Odolaren mintzoa».
7
Bertso moldatzen hasi ondoren erosi nuen «Herria»
Ta hor ikasi nolakoa zen Euskadi ner'aberria
Kasete hortan ba da neretzat nasai janari berria.
Besterik ez zait agertzen egun hau bezain maitagarria.
8
Nere ondoko batzuk diote arrazista bat naizela
Bihotz barnean Euskal-herriak toki sobera duela
Hori adituz urdintzen zeraut arrotzak egin uspela
Histutzen abian nere zeru jadanik goibela.
9
Ba dakit argi asko ta asko ba dotale ikasteko
Gore Jainkoak ez ote digu eman bizia hortako?
Nere xedea argitzea da aberri beten josteko
Iduri baitzait hemen garela herriaren maitatzeko...
10
Zu laborari langile eta zu ikasle bertsotan has
Euskal-herriak libertitzeko urtxoak baititu eskas
Lehen arrotzak gure ahoak hetsi ba zituen arras
Oraindik denek bihotz indarra ederrez dezagun nahas...
11
Arrosagarai, hasian hasi ez zaitut nahi aspertu.
Adiskide bat bezala zero nere alderat agertu
Guk euskaldunek Garazi hura behar ginuke eskertu
Han baitirade seme lerdenak beti euskaldun edertu...
12
Bertso andana huntan ditake asko huts eginik segur
Halere aitor nezake egun lotsatzeko ez naiz beldur
Eta bihotzez, Arrosagarai, eskerrak ditzadan bihur
Zuri lehenik, eta gero, bai, Aintzilari ere Agur...