Ikasterat...
Borda, Itxaro
1
Ikasle gazte baten hauk dira amentsak
Goizean goizirik gu punpean jeikirik
Eskolarako goaz begia trixterik
Kaf'esnea hartu-ta kartabla hetsirik
Gogoa ainitz gauzaz baidugu beterik:
Galditzak eta notak, eztago besterik.
2
Otokarra gelditzen da orai emeki
Zer dugun bihotzean jendeak balaki!...
Uste dute girela promenan goxoki
Bainan biltzen gaituzte handi eta ttiki
Abereak iduri, ez dirot hobeki!
3
Lagunak'e hor dira beren solasekin
Gauzaa berak ditugu erraiten heiekin
Notak eta beldurra beti galditzekin...
Sartzen gira guziak xilintx berarekin
Esklaboak bezala gure paperekin.
4
Lehen erakaslea heldu da lasterka
Fisika bai kimia ta matematika
Eta beste holako hoixe zer karranka...
Ikusten du xoritto berindan kantaka
Libroa banintz ni ere nezake besarka!
5
«Zergatik ez duzu zuk egin lantto hori
Alfertzerat zirea hunarat etorri?»
«Jauna zure aurrean behar dut erori
Barkamendu galdaka zuri ta orori:
Arbi kentzen izan naiz aitarnekin... ori!»
6
Eskola, ba, da gure bizian lehena
Gure izatearen zapaltzale dena
Denek diote gora dela beharrena
Hortaz nahi ginuke gaur segurtamena:
Basa-oihan bate'ri du, iduripena!
7
Xilintxa aditu ta jo jaterat denak
Zer dugun egun ote, deraUlu usainak
Salda, ilar xehe ta sagarrak hain onak...
Badira beti zenbait lehenak daudenak,
Bainan kasu in beza, beti den azkenak...
8
Aratsaldean dugu berriro hastea
Galditzak eta notak: bihotzen hestea
Modu hoiekin dute hil gur'izatea
Euskalduntasun hori, zeruko atea
Ateratu daukute, zoin gauza trixtea!
9
Bortz orenek jo dute, xilintxa da ozen
Klasetarik lasterka gira ateratzen
Karrek ere gaituzte hor idurikatzen.
Dena gogo ta aments, gira etxeratzen
Bainan biharko lanei dugu bai pentsatzen.
10
Arats guzia etxen, ari gir'lanean
Liburu lodi meta bat gur'aintzinean
Kaierrak hortxet daude elgarren gainean...
Leherrinak ohean sartzen girenean
Ez dakizue zer den bihotzen barnean!
11
Ikasle gazte baten hauk dira amentsak
Bota airez zeruan notak bai galditzak
Aurkitzen ditu orai askatasun hitzak
Bertsuak ederrenak maitasunak gaitzak:
Nik uste hortxet dauden egiazko giltzak.