Herria zurekin
Borda, Itxaro
Bertsolariak garenaz geroz
gure lurraren indarrez
Hitza negurtuz jantziko dugu
herriko bihotza farrez
Zauri biziak zabaldurikan
eta begiak pindarrez
Gudaritzari lotuke ere
egun batean beharrez!
Euskal herriko gudari aske
fusilaz erori dira
Datorren egun askatasunez
edertu haien begira
Menditik ilun ilunarekin
datoz isilka hirira
Guk badakigu bizitza baizik
dezaketela desira!
Entzun ohi da telebist eta
irratietan gezurra
Orduan gaude herabeturik
erdi hertsirik zintzurra;
Bainan egia ikasteakin
urtzen zerauku beldurra
«Terrorist» deitu gudari denek
maite dutelako lurra...
Klandestinoki lanean ari
dira Euskal gudariak
Etsaien kontra hartu ondoan
beharrezko izariek
Jende xumeak alde direnak
daude arras ugariak
Borrokak hola dakarzke segur
esperantz baten sariak...
Bat erortzean laguna dator
gudukaren segitzeko
Euskal mistika harmaren bidez
edertzeko handitzeko
Firin firindan haize hegoa
arrotzaren izitzeko
Etorri baita sosaren bidez
herriaren zatitzeko.
Gure askapen gudu luzea
munduko besten laguna
Ulster aldean edo Korsikan
hori dugu ezaguna
Ez uste izan adiskidea
dela bakarrik laguna
Bizitzerako gerila latza
gaur egun garamaguna!
Ipar aldean gudari gutxi
harmak eskuan dabiltza
Sinesten dugu oraino oro
lehenik dagola hitza
Gure uztarri langabezia
noizbait hautsiko balitza
Izanen laike iraultzarako
menean daukagun giltza!
Baina zerigaitz gure herrien
beste askotan bezala
Hiltzale batzu mugatik datoz
mehatxu gogoz berhala
Horrela dute goiz ahulean
ondo salbatu azala
Angelun bonbaz xehatu bere
kotxearekin ARGALA...
Iragan udan ETXABEtarrak
izan ziren hunkituak
Donibaneko kale batean
bi biak fusilatuak
Urte hastean hor PEIXOTOren
kontra balak tiratuak;
Hiltzale basak kurri dabiltza
nehoiz ez kastigatuak...
ETA taldeko buruzagiak
nahi lituzkete hilak
Hortakotz gure zapaltzaleek
hornitzen harmak makilak
Ondotik ipar alderat heldu
merzener bortitz isilak
Gorputz uzteko euskal gudari
gogorrak eta abilak...
Bertsolarien lana da beti
gudarien ulertzea
Ezin bestean harma ekintzak
farisau ez baztertzea
Gure borrokak gorderik daukan
mamieren ikertzea
Kondiziorik gabe bihotzez
haien alde agertzea!
Agian nere bertso sorta hau
ez da gaizki onhartuko
Kezkat! nego hitzez erranak
nola dituzten hartuko
Krimaren alde naizela batzuk
dute segur pentsatuko
Eta beraiek «baketzaileak
gara» buruan sartuko...