Gauetan badira...
Borda, Itxaro
1
Gauetan badira amets hain lasaiak:
Haritzen artean, belarren bustian,
Bazterrak harrotuz ur berde nasaiak
Marmarikan deman kanta eguzkian...
2
Eguzki argitan amets hain segurra
Eder ezak eder hauzoko erreka,
Lehenago nola -faltaren gezurra.-
Sendi dezadan gaur uraren pereka!
3
Iturri agorren hautsaren egarriz
Ahantzi nahiak gogorat ekarriz
Nondik hator, nondik amets hain nerea?
4
Min egiten didak, utz azkik joanak
Ereman ditzaia denbora doanak
Habil otoi, habil, amets bain nerea!