Elur min

Elurtu zaizkigu mendiak
Eliza zuri, zelaiak zuri
Txikitako pasarteak irudi
Itxurakeria eztiak.

Elur-panpina nola egin genuen gogoratu dut.

Ama egin putz, egin putz
Min dut eta.

Malkoa aldarri,
Elurra senda-belar
Zuriz jantzita burua beti klar.
Hala ez naiz hain larri.

Elurrak estal zaitzala puta zarra.

Ama egin putz, egin putz
Badoakit mina eta.

Pausatu da elurra,
Berdea jada ez da hain zuri
Lehengoa irudi
Betor berriz gezurra.

Kikildu nadin berriz,
Baitarraizu antzina lez.
Izarrenganako diosalez
Eta handinahiaren irriz

Elur urtuak zure muxuak zeramazkielarik...

Ama egin putz, egin putz,
Min dut berriro eta.



Rikardo Idiakez