Lainoak
orriok
iluntzen
dituzten
lainoak,
nire bihotzaren
beldur ikara
diren lainoak,
laino
handiak
eta
higidura berdea txikiak
beltzuraz margotzen
duten laino ibiltariak
nire bizitzaren udazkeneko
haizetan datozen eta doazen
kezka eurizko lainoak,
eguzkia ezkutatzen didatenak
ene barnean daramadan haurtxoaren
itxaroan;
gaixoz
jantziriko
zahartzaroko
lainoak
heriotzaren
beldurra
negar horitan
dakartenak,
lainoak, lainoak ditut,
lainoak aire aurrean
beti. |
© Mikel Zarate