apika amets ahul bat besterik ez da izanen
gauaren leizeek
alkoholezko hitzek sendoturiko ibilia
halere
hotzaren ezpainak hertsitzeko iluna zanpatzen
taberna epeleko oihal horixkak
eta geure erranak arrosa kolorez lausotuz
ez dira gezurrak
hodeiek sabelean daramaten mina
ez dira faltsoak
hunkitu gaituzten ordu sutuak
hau dena
egun agortuak hiltzeko maina da
bizirik irauteko jolas bihurria
© Jose Luis Otamendi