hik jaio hintzanean
egunari ditiak urratu
ta alboko zerbeza botila
garbira pasatzen hasi hintzen
gero bost urtekin ta hirunaka urte
jendearen begiak plateretan ipintzen hituen
jaboizko behakoak aurkitzeko asmoz
eta ia beti
horiz pintatutako telegrafo habeak
esaldi errezena osatzen
arraultzak frijitzen
ametsik ehotzen ez zekien orduan
etsipenez beterik
santuak otoitzekin hegaz pasatzean
inor ikusi gabe
lehenengo biraoa toteldu huen
eta konturatu
marrubien antzeko gustoa zuela
© Jose Luis Otamendi