burdinezko kaxetan ate handiak zerurat
letania ahantzien
maiteari eran gabeko hitzen
itsu
beltzak
insektuen gisa
eta han goiko portuan itsasoa iheskorra
hodei tartean aldentzearen malko erreetan
han astroen kiribiloak nahastean
gaziaren petaloak birsortzean dager ene mina
adreilu formaz
eraztun hautsiaren hegian
eta dena
hainbeste esku igurtziren ondorioz
hainbeste amets elbarrituen orbainez amaigabea da
ene pena azkenean
zangada isil batez
katiluan itotzetik salbatzen dut eta amaigabea da
© Jose Luis Otamendi