maitea maitea
disken ahurretan irakurri ditut miloika fereka
orbelei erortzean aditu murmurio amoratuak
eta galdetu diet gure egunetaz
begi isil horien esanguraz
gero han bion gorputzak berezagutzean
bortizki erlojuen tik-takek
basamortu mutuak
kurtina zahar baten gibeleko orma hilak
elkarrengandik urrundu gaituzte
maitea maitea
orain itsasaldera hartuko dugu
aire fresko gazien
kresala harroaren plazerera
ta uretan barrena azken urdinaren kaira
© Jose Luis Otamendi