jaboi burbuiletan iheska doa ene zoriona
errepikatutako egunetan
eguzkiak bekokiko izerdia
nire eskuek urratuaren labaina
miraileko kristalean betiko zeinu maltzurra
maite ohi diren gauzei erantsita zainak
giro honetan
neure munduko habe ahuletan
jainkosa erailak
eredu ustelak
zerorren ahotsak idatzi du
berunezko ttanttek erran dute
joana
hila
galdua zarela
lehorte ezpalduan utzi gaituzula
© Jose Luis Otamendi