egunsentian amildu aurretik
ez dun esan argia ezagun dunanik
heure bihotza zulatu aurretik
ez dun esan odola gorria dunanik
besteen azala musukatu aurretik
ez dun esan pertsona maite dunanik
eta entzun ditun
gizonen zauriak ezpata sartzean
eta entzun ditun
zelaiko belarrak haizeak jotzean
hartu dun ezpata
irentsi dun ura
arnastu haizea
eta ildotik hoa fardelak utzita
© Jose Luis Otamendi