zugan naturaren indarra ez zait mintzatzen

ur geldi

argi uholdez jauzten

zugan nigan bezala

haizea harro dabil sapaldetan

itsaso apurrak arroketan itzuliaren zai

eta guk

grinarik dugunok

ertz ozenetako funtsa bera soinean sentituz

nahasturiko adatsa dezakegu orraztu

geure biluztasuna osorik munduari eskaini

maitasun ildoek kixkalitako azala

kaiuaren luma

gesala arrastoa

eta leku galdu baten izena

© Jose Luis Otamendi