Erranen didazua?
Memento, homo, quia pulvis es
et in pulverem reverteris.
(Genes, III, 19)
I
Lotsaren
arrats lainotsu hontan
hilargia sagarra jaten
ikusten ari naiz.
Beldurraren odei
goibelari,
Beldurrari berari, neroni,
begiratzen.
II
Irrika baga
balbearen nahian
etor banendi
begiratzen,
bihurgunean utzi ninduzun
lagaturik,
heriotza igurikatzen.
Gaur malko,
bihar haize;
orduan zuzpertze
bide nintzela
"Ikusiko duta"?
oldozten,
zorabio nagusirat heldu,
eta sakonetik dei egin nizun
galdatzen.
© J. Iñaki Lasa