zu jaun eta andre
kresala apartsuetan zabiltzan hori
dorre koadratuetan babesten zarena
ametsezko zelaietan etzanda zaudena
zu mundu borobil hontako biztanle
ikus itzazu kolore gabeko birikak
hatz ttipienetik arropak zintzilik
ustelkeri gorrixka sabelean
burmuineko jirabiretan puntu bat geldi
begiratu itzazu eta zentzunik gabe sinesmenak ereiten hasi
bizitzen edo hiltzen hasi
ikarazko kristal apur zorrotzak
haragi eta airezko meta ezezaguna
untzaz beteriko ate ia ahantzia
zapaltzen
zure zai ez naiz egonen
© Jose Luis Otamendi