hire lepotik eztarritik gora zihoak sortzearen indarra

eten gabe suzko boladaka

gero ahotik begietatik sudurretik irtetzeko erreka handi bezala

ubidetaz amildegia egiten duen erreka bakarra

heure mundua heure burua jipoitu duk

begirik hertsitzeke

har gosetienak sabelean sartu

eta ikusten ez ditudan eskuetan

arrosen koloreko odolak ez dik utzi

maindire garbia egiten hilobi hezea baizik

© Jose Luis Otamendi