1

Hots zaharren sabaiko

kabiako gauontzaren

seme alabek,

kirtenaren zerraila

hautsi zutenean,

errukiaren izenean

mahats-orpoaren aitona hil zuten,

berarengan artabizarren usain garratza

aurkituko zutelakoan.

Eta etsipenaren hodeiek

zoriontasunaren hortzea

amildegiko oihartzunen

garraisiaz urratu zutenean,

erauntsiaren baretasunez

gauontzaren seme-alabek

atsedena hartu zuten.

              2

              Aitona, ikusi duk

              lorategietan ere otso maltzurrik

              badagoela, gorazarrea noiz iritsiko zain,

              egunsentiko bideari erne,

              asekaitzaren begietan galdurik,

              atseden berriaren dizdira

              soineko urdinen oihaletan

              noiz sentituko.

              3

                            Bat, bi, hiru,

                            xorien habarrotsa

                            haur txikien jolastokian

                            haize hutsune bila

                            atsedenaren hilotza

                            ehortzeko mahats-orpo

                            hosto ximelduen bila

© Alex Azkue