Loreztatu hindutenean,

begiak gori, bihotza beltz,

margo galduen ebakiduraz laztandu hinduen

arrats grixak, zaborrek lurrina egoztean,

itxaropena galtzearen atsekabez,

esku-garbien itxuraz fidatua bailitzan,

sakontasunaren funtsak, oinarriak galdurik,

arrain koxkor, heldugabearen antzo.

Denboraren azken hatsen

iragankortasunaren

seaska-kanten eresiekin,

jergoi-ohe zaharraren estalpean

jauzirik.

 

 

© Alex Azkue